Chetan the abtak

Chetan the abtak,

Unke deedar ki hasrat ko dil mai dabaye huye,

Zalim ne aaj karam kiya hai,

Aagey khuda kher karey...

Mere zindagi ki sabse badi sacchai

Mere zindagi ki sabse badi sacchai,
Jo ab tak hai maine jahan se chupai,
Magar ab tumpar zahir karne ki bari hai ye aai,
Ke lagta hai mujhe daar jissey sabse zyada wo hai tanhaai,
Par ye bhi utna hi sach hai ke tanhaai hai meri parchai,
Ke tanhaai hai meri parchai...

Beh janey de aasuon ke is sailab ko

Beh janey de aasuon ke is sailab ko,
Ab toh tabahi ke baad hi sehra mai fir ek baar gul khilenge...

Hichak nahin koi fanaa ho jane mai bhi

Hichak nahin koi fanaa ho jane mai bhi,
Bas ek lamhe ka sath jo tera mil jaye.
Waisey bhi parwane ka toh muqaddar hi hai,
Shama ki lau ko chum mit jana...

Umare daraz ho uski

Umare daraz ho uski,
Jiski khuda kher kare,
Unki tabir ki zhalak se hi,
Hua karti hai nasib jannat aashikon ki rooh ko...

Ranjish hi sahi tujhe humse

Ranjish hi sahi tujhe humse,
Magar tu aa,
Dil ko humare dukhane ke liye hi sahi,
Magar tu laut kar aa...

Jhalak humein apni dikhlane ke liye hi sahi,
Magar tu aa,
Fir tanha humein chod janey ke liye hi sahi,
Magar tu laut kar aa...

Apne husn ke jalwon se fir se humein madhosh karne ke liye hi sahi,
Magar tu aa,
Apni thikhi tez nigahon se humpar keher barsane ke liye hi sahi,
Magar tu laut kar aa...

Shiddat se tere intezaar mai tadap rahe parwane ko jalane ke liye hi sahi,
Magar tu aa,
Khak mai humari hasti ko milane ke liye hi sahi,
Magar tu laut kar aa...

Ro ro kar surkh hui in aankon mai fir se aansu bhar janey ke liye hi sahi,
Magar tu aa,
Khamosh tanhaiyoon mai apni sargam si boli ki barsat karane ke liye hi sahi,
Magar tu laut kar aa...

Gunhegar samajh humein apni khata ki saza dene ke liye hi sahi,
Magar tu aa,
Humare aarmano ko fir se kuchalne ke liye hi sahi,
Magar tu laut kar aa.

Zhakm se ubhare humare dil ko firse chot pahuchane ke liye hi sahi,
Magar tu aa,
Chetan hai hum abhi bhi is baat ka ehsaas dilane ke liye hi sahi,
Magar tu laut kar aa...

Shikhwa na hoga zara bhi ek baar jo bas tu apne sarsartey huye hoton se madhuras pila de,
Fir jo agar tera dil karey toh us madhuras mai zeher ki puri botal mila de,
Kamas kam baad fir log ye toh kahenge ke dekho aashiqe rasool ka janaza jaa raha hai,
Magar ek baar tu laut kar aa fir chahe toh mehbooba maut se mila ja...

Mana ki wo bewafa hai

Mana ki wo bewafa hai,
Magar ab bhi ye dil uske liye rota hai,
Ayegi fir wo laut kar ek din,
Yahi sapne bas wo pagla ab sanjhota hai...

Kuch gul khusbu ke roop mai

Kuch gul khusbu ke roop mai,
Khushi diya karte hai,
Toh kuch kaaton ke roop mai dard,
Fir bhi har koi gulon ki hi tarif karta hai,
Magar koi us beej ke mann mai bhi toh jhankar dekho,
Chetan honey ke liye usne,
Kitni vednayein sahi hai...

O Mazi re

O Mazi re,
Nischal prem ki aviral dhara par se,
Baha le chal meri kashti tu,
Bas khayal rakhna,
Ke kahin dukhon ke bhawar mai na phas jaye...

Apni to manzil hai

Apni to manzil hai,
Khushiyoon bhara apna wo sapno ka aashiyaan,
Jiski neev mai pyar ka beej boya gaya ho,
Jiska gul hamesha apni mehek se,
Jeevan ko mukundmayi banaye rakhe...

Wo kehte hai na

Wo kehte hai na,
Ke jaisa bouge,
Waisa Pauge,
Magar humne to yaaron,
Pyaar ka beej boya tha,
Apne sapno ka,
Gulistaan basane ke liye,
Fir ye nafrat bhari,
Kaaton ki,
Bagiya kahan se ug ayi...

Jitna aap humein yaad karoge

Jitna aap humein yaad karoge,
Utna hi roouge,
Aur apki aankhon mai,
Ek Boond aansu k utar ane ka matlab hai,
Humari zindagi se ek din ko ghatana...

Aarambh

Aaj phir ek nayi shuruaat ki pehel hui hai,
Aaj phir ek shank nadh hua hai,
Aaj phir ek aagaz hua hai,
Ab phir kai mod ayenge,
Aab phir bahega lahu,
Aanjam ka toh kisi ko bhi nahin hai pata,
Magar phir bhi har dil mai aaj ek romanch hai,
Har chehre par muskaan bhi hai,
Har ek ke mann mai kai naye aarman bhi hai,
Aur kuch kar guzarne ki khawish,
Mujhe bhi ye pal jee lene de yaaron,
Akela toh hu magar,
Ab raah mai phir naye dost banenge,
Phir kai sathi milenge,
Inmese kuch bichad jayenge,
Toh kuch jeevan bhar sath rahenge,
Hai toh ye is safar ka aantim padav,
Magar phir bhi ye is padav ka aarambh hai,
Is safar ke charam se agey,
Phir ek naye safar ki shuruaat hogi,
Qki yahi toh jeevan path par chalne ki,
Pratham shart hai,
Ke is path ka raahi kabhi rukta nahin,
Isey hi Chetan Chakra kehtey hai...

Humne ki khata aur doshi aapko tehraya

Humne ki khata aur doshi aapko tehraya,
Daal sako toh nadan samajh,
Hamari jholi mai mafi ki bhik daal dijiye,
Khata hamari itni hi thi,
K humne apse Mohabbat karne ka sangin jurm farmaya...

Maafi agar mil jaye humein apko doshi tehrane ki

Maafi agar mil jaye humein apko doshi tehrane ki,
Toh humse bada khush nasib,
Koi aur na hoga,
Der se hi sahi,
Magar ehsaas ho gaya humein k,
Galati apki na thi,
Bas apekshaein hamari zyada thi...

Chot jo khai hai

Chot jo khai hai,
Kahin bahut andar jakar lagi hai,
Dard sehne ki aadat,
Toh humein pehle hi se thi,
Isliye sambhalne ki,
Jagdo jehed karne ki zarurat kar paye,
Magar is baar ubharna,
Jaisey namaumkin sa lag raha hai,
Agah kiya tha apno ne,
Is dagar par na chalne se,
Bahut roka ka tha khud ko humne bhi,
Magar ye nadan dil hai ke,
Samajh hi na paya,
Ab toh bas koshish hi,
Ki ja sakti hai,
Us bhool ko bhulane ki,
Warna wo sadma jeene nahin dega,
Sudharne ka waqt toh qki,
Haath se chala gaya,
Kisi shayar ne bhi,
Kya khub kaha hai,
Jang wo kya jang hai,
Jisme lahu na bahe,
Abhi toh aghaz hua hai,
A sipahi tu agey badhey chal,
Qki manzil abhi nazdik nahin,
Koi usey jakar ye bataye,
Ke kehna bahut aasan hai,
Karte huye rooh,
Karah uthati hai,
Fir bhi gamon ko,
Marham banana hi padega,
Agar chetan rehna hai toh,
Waisey bhi,
Ishq ke rahi ki raah mai,
Phool kam,
Aur tutey huye,
Dilon ke tukade zyada hotey hai,
Jo bahar se narm toh hotey hai,
Magar jab peron taley atey hai,
Toh dojak ki aag se zyada jalate hai,
Aisey mai ab bas biti yaadon,
Ki gathari sang lekar,
Ek nayi shuruaat ki aur badh jana hai,
Kya pata shayad khuda ne,
Kuch aur hi soch rakha ho,
Qki humein toh is baat par yakin hai,
Ke jo hota hai aache ke liye hi hota hai,
Aakhir gir kar uthatey hai,
Sher e sawar hi,
Jang ke maidan mai...

Khata zarur hui hai humse

Khata zarur hui hai humse,
Is baat se inkaar nahin,
Magar itne bhi gaye guzare nahin,
Ke khata ki saza ke taur par,
Ek aur khata kar baithen...

Na jane q ye duniya

Na jane q ye duniya,
Dikhawe ko sach mann baithti hai,
Arey koi unse jakar kahe,
Ke andar jhaakar toh dekho,
Aashiq e rasool ka janaza nazar ayega...

Daulat toh zarur kamai doston humne

Daulat toh zarur kamai doston humne,
Magar rooh ko bech kar,
Kitni mautein mare hai hum,
Woh toh bas mera dil janey yaa khuda rasool...

All i want is

All I want is you to be my bride,
Take me by my hand and stand by my side,
All I want is you to stay with me,
Hold me in your arms and sway me like a sea...

If you were a wink I will be a nod,
If you were the seed I will be the pod,
If You were a copper I will be the brass,
If you were the green I will be the grass...

All I want is you to be my bride,
Take me by my hand and stand by my side,
All I want is you to stay with me,
Hold me in your arms and sway me like a sea...

If you were a face I will be the smile,
If you were the speed I will be the mile,
If you were a breath I will be the heart,
If you were the life I will be the part...

All I want is you to be my bride,
Take me by my hand and stand by my side,
All I want is you to stay with me,
Hold me in your arms and sway me like a sea...

If you were a tree I will be the bark,
If you were the dot I will be the mark,
If you were a pink I will be the flower,
If you were the blessing I will be the shower...

All I want is you to be my bride,
Take me by my hand and stand by my side,
All I want is you to stay with me,
Hold me in your arms and sway me like a sea...

If you were an ocean I would learn to flow,
If you were the thaught I would love to know,
If you were a river I will be the rumble of the mountains call,
If you were the water I will be the fall...

All I want is you to be my bride,
Take me by my hand and stand by my side,
All I want is you to stay with me,
Hold me in your arms and sway me like a sea...

If you were a dream I will be the sleep,
If you were the wheel I will be the street,
If you were a click I will be the snap,
If you were the love I will be the desire...

All I want is you to be my bride,
Take me by my hand and stand by my side,
All I want is you to stay with me,
Hold me in your arms and sway me like a sea...

Mujhe tumse pyaar hai

Mujhe tumse pyaar hai,
Sharam nahin hai ati mujhe,
Karne mai tumse ye ikraar hai,
Tumhi mere dilbar,
Tum hi mere jane bahar ho,
Tum hi ho mere sabkuch,
Tumhare liye hi hai ye saasein meri,
Tumhare liye hi hai ye dhadkan meri,
Tumhi par meri ye jaan nisar ho,
Tumhi ho sarggam,
Tumhi ho saaz,
Tumhi ho sur,
Tumhare bina to a meri janejana,
Jahan ki sari khushiyaan bhi bekar ho,
Tumhi ho ibadat,
Tumhi ho pooja,
Tumhi ho meri prarthana,
Tumhi pe shuru,
Aur tumhi par khatm,
Mera sansar ho,
Tum ho to sabkuch hai,
Tum nahin toh kuch bhi nahin,
Tumpar chetan ki har shay gulzar ho...

Mar rahein hai

Mar rahein hai,
Unki raah takhtey takhtey,
Na janey kab deedar hoga,
Aur wo hai ki,
Baith kar hamari is halat ka,
Luft utha rahein hai...

I never knew

I never knew,
When i fell in love with you,
When i first heard you,
Your voice was sweet like,
Honey Dew,
Everything was new,
It was like a dream come true,
I don't know what would i have done,
Without You,
There was very much to say,
But moments were few,
I know that,
I am not going to die without you,
But then nothing will be left,
In life to do,
I could feel,
The warmth of your breath,
Always around me,
Which gives me the reason to live,
I dont know,
What have made me,
Fell in love with you,
But i think,
Its the perfect soul mate,
Of whom i have always dreamt off,
That i have found in you,
Promise me that,
We will never be apart,
No matter what happens,
I have nothing left to give you,
Except myself,
So here my love,
I present chetan to you,
Now do whatever you want to do with it,
Because it's all your's,
Nothing more is left to speak,
As the moments left of my life are very few,
But the most important thing,
To say is that,
Ya ah its true,
That i love you...

I love you, I love you and I will always do...

Aaj pehli baar unse rubaru hokar

Aaj pehli baar unse rubaru hokar,
Maine us Chetan ko jana hai,
Jisey hasna ata hai,
Aisa lag raha hai mano jaisey,
Jhum raha hai sara alaam,
Fizaein ga rahin ho,
Parvat nachne lagey ho,
Har taraf koyal ki kook hi sunai de rahi ho,
Jaisey patzad ki jagah,
Basant ne,
Aangan mai kadam rakh diya ho,
Itni khushi ho rahi hai,
Ke jaisey,
Sehra mai bhatakte huye kisi pyase ko,
Nir ki ek boond mil jaye,
Jo uski rooh ko,
Us Tazgi ka ehsaas karade,
Jisey jannat kehtey hai,
Warna ab tak toh aisi halat thi,
Jiske chaltey roz us malik se puchte,
Ki ae parvardigar bas itna bata de,
Ke kya hui khata mujhse,
Jo mili hai mujhe aisi saza,
Jiske rehtey dil toh rota hai,
Magar aankhein inkar karti hai,
Par kahin ek ummid thi baki,
Jiske karam se hum abtak zinda rahe,
Ke kabhi toh milengi hamein bhi,
Apne hissey ki khushiyaan,
Bas dekhana toh yeh tha ke,
Ye kamal kis din hoga,
Magar shukriyaa tera ae mere khudaya,
Us din ka deedar,
Tuney kayamat se pehle hi kara diya,
Warna humne toh khushiyoon ke,
Saye taley jeena sikh liya tha,
Tahnhaiyoon ki chikhon ko hi hum,
Sargam ke saat sur samajh baithey the,
Gum ko hi apna sangi bana liya the,
Dard ko hi marham mann,
Apne jhakmo pe lagatey the,
Mehkhane ko ghar,
Aur ghar ko,
Mehkhana bana baithey the,
Ab bas ek aakhri ilteja hai ae mere hafiz,
Dekhna ke mere daaman mai padi in chand khushiyoon ko,
Kisi ki nazar na lag jaye,
Qke mere badnasibiyoon ke sayoon ke hosaley,
Bahut buland hai,
Aur mai tera ek kamzoor banda,
Mujhe toh aadat ho chali hai,
Patange ki tarah shama ki chahat mai,
Khud ko jalane ki,
Ab toh bas dekhna ye hai ke kya abke,
Shama bujhegi,
Apne patange ko rijhane ko,
Aur uski jaan bachane ke liye...

Wo toh sapney hi dikhate reh gaye

Wo toh sapney hi dikhate reh gaye,
Aur hum un sapno ke madh mai,
Unke sath behte chale gaye,
Is dauran ek aisa bhi mod aya,
Jab hum mazdhar mai fasane waley the,
Magar waqt rehtey sambhal gaye...

Ek gal yaad rakhna

Ek gal yaad rakhna,
Ishq de o mere mitra pehchaan ke,
Tut jaya kartey hai wo darakht baad mai,
Jinhone kabhi andhi toofan aur mushkilon ka,
Samna nahin kiya hota hai,
Aur chattan ki tarah mazbut rehta hai,
Wo darakht,
Jinke beej ne bhi,
Chetan hone ke liye taklife jheli hoti hai...

Aayega kab wo mausam

Aayega kab wo mausam,
Jab mai bhi apne dil ke armaan,
Kagaz ke badle,
Alfazon mai bayan kar paunga,
Thak gaya hu mai,
Sehra mai akele chaltey chaltey,
Tarasta hu mai bhi,
Us pedh ke aanchal taley baithne ko,
Jiske daaman mai,
Mohabbat hi mohabbat bhari ho,
Jahan baith kar mai bhi,
Us roohani tazagi ko mehsoos kar saku,
Jiske chaltey,
Mera zarra zarra gunguna uthe,
Kab hoga us jharne ka deedar,
Jiski ek boondh,
Dojak ki aag ko bhi,
Thanda kar de,
Ae malik mere,
Itni hi fariyaad hai tujhse,
Dikha dena wo aks,
Kamayat se pehle mujhe,
Jiske deedar ke baad,
Koi aur tammana,
Koi aur arzoo,
Zindagi mai na bache,
Jiske baad mai,
Mehbooba maut ke aagosh mai,
Chetan honey ke ehsaas ko chod,
Hastey hastey chala jau...

Zindagi ke is safar mai

Zindagi ke is safar mai,
Akele chalna bada mushkil hai,
Aisey mai ek humsafar ka hona zaruri hai,
Warna ho sakta hai ek akela musafir,
Tanhaiyoon ke darr se,
Manzil tak pahunchne se pehle hi,
Apna dum tod de,
Qki kisi ne sach hi kaha hai,
Ke bina doston ke zindagi bemani hai,
Aur aisi zindagi se yaroon,
Apni dushmani purani hai...

Jeene ki toh iccha bhi mar gayi hai

Jeene ki toh iccha bhi mar gayi hai,
Qki jeene ki koi wagah hi nahin bachi,
Shayad khuda ne kuch soch rakha hoga hamare liye,
Isliye Jiye jaa rahe hai,
Dekhte hai agey kya hota hai...

Aap ko nahin hai parwaah hamari

Aap ko nahin hai parwaah hamari,
Koshishein jo itni ki hamne sab zaya ho gayi,
Aisey hi is kashti par sawar ho chaley the hum to,
Magar anjaam ye hoga itni mashkaat ke baad bhi,
Iska kabhi nahin kiya tha aitraam...

Kami toh kuch hogi hamare hi pyaar mai

Kami toh kuch hogi hamare hi pyaar mai,
Jo hamara pyaar ham par bharosa na kar saka,
Nadi ke do kinaro ki tarah hotey hai premi,
Agar sagar se na miley toh hamesha juda hi rehte hai,
Magar fir bhi shuruaat safar ki dono sath hi kartey hai...

Kuch chizein aisi hoti hai

Kuch chizein aisi hoti hai,
Jinhe jatana zarurui hota hai,
Qki jab ishq apne zubur par hota hai,
Toh aashiq ka dil bhi chahta hai,
Ke woh bhi dikhane mai apney mehboob jaisa ban jaye...

Samundar ka pani khara hai

Samundar ka pani khara hai,
Toh isme samudar ka kya dosh,
Sanam apka bewafa nikala,
Toh isme kisi aur ka kya dosh...

Dil ka toh kaam hota hai dhadakna

Dil ka toh kaam hota hai dhadakna,
Usey dhakane do,
Magar awaz toh tab sunayi degi,
Jab koshish karo aap usey sunane ki...

Hukm hai huzoor ka

Hukm hai huzoor ka,
Ada toh karna hi hoga,
Warna yeh katil tire nazar apki sanam,
Kalte aam kar dengi...

Samundar ki gehrai napne se pehle

Samundar ki gehrai napne se pehle,
Apne dil ki gehrai ko naap lo sanam,
Samndar mai toh koi bhi gota laga leta hai,
Dil wo nagri hai,
Jahan prem rogiyoon ke siwa koi nahin ata...

U aye hai huzoor hamari mehfil mai hamari khushkismati hai

U aye hai huzoor hamari mehfil mai hamari khushkismati hai,
Sab ki nigahein hain unpar tiki aisa unka jalwa hai,
Husn hai aisa ada kiya khuda ne unko,
Ke aashikon ki lashein bichi padi hai raahon mai...

Jis tarah aag jalana nahin bhulti

Jis tarah aag jalana nahin bhulti,
Pani pyaas bhujana nahin bhulta,
Wraksh chaanv dena nahin bhulta,
Waisey hi koi likhna nahin bhulta...

Zindagi toa zindagi hai

Zindagi toa zindagi hai,
Kya aitbaar kare,
Koi apno par bharosa nahi karta,
Kya ajnapee par bharosa kare,
Par kahi na kahi ek ehsaas hai jo kahte hai,
Ki ha koi ek ajnabee hai jo,
Is bharose paar aitbaar kar sake,
Ke woh ajnabee apna ban jai jo,
Hamesha apna bankar zindagi mai chetanta ka ehsaas jaga de,
Shayad jo chetanta ka beej boye toh,
Ek manzeel ubhar aye mukund maye jeevan jeene ke liye,
Shayad woh ajnabee itna apna ban jai,
In ajnabee raho par,
Is anjani galiyoon mai,
In begane modon par,
Jise zindagi kehte hai,
Woh hamari zindagi ban jaye...

Begani rahon par chal padey hai hum

Begani rahon par chal padey hai hum,
Ek anjani manzil ki talash mai,
Ek ajnabi sathi ke sath,
Dekhte hai kis mod le jayegi yeh raah,
Ye bhi nahin pata,
Ke woh ajnabi bharose ke layak hai ya nahin,
Bas apne dil par bharosa hai,
Warna nasib ne toh apney pal pal diya hai dhoka hamey,
Khuda karey ye anjaan safar,
Humein ek chetan manzil ki aur le jaye,
Jisey pakar fir kuch paney ki khawish na reh jaye,
Aur wo ajnabi sathi bhi apna ban jaye,
Koshishon ka beej toh waisey bo diya hai,
Dekhte hai kaisey gul nikar kar ayange...

Sakhi ri mori neer bharan kaisey jau

Sakhi ri mori neer bharan kaisey jau,
Sakhi ri mori neer bharan kaisey jau...

Kanha ki yaad satavat hai mohe,
Kanha ki yaad satavat hai mohe,
Mukund chavi hrudaya se kaisey mai hatau re,
Sakhi ri mori neer bharan kaisey jau,
Sakhi ri mori neer bharan kaisey jau...


Yamuna ko tat viran nagar dekho,
Yamuna ko tat viran nagar dekho,
Pi ki preet bhulavat nahi mai pau,
Sakhi ri mori neer bharan kaisey jau,
Sakhi ri mori neer bharan kaisey jau...

Suni pari kadambh ki dariyaan,
Suni pari kadambh ki dariyaan,
Natkhat ki yaad bahut satavat hai ri,
Sakhi ri mori neer bharan kaisey jau,
Sakhi ri mori neer bharan kaisey jau...

Ashruaan ki fuhar lagi hai sakhi,
Ashruaan ki fuhar lagi hai sakhi,
Vanshi ki taan na visrave re,
Sakhi ri mori neer bharan kaisey jau,
Sakhi ri mori neer bharan kaisey jau...

Gaiyaan ke sukho padyo hai,
Gaiyaan ke sukho padyo hai,
Virah na ab jhelo mosey jave re,
Sakhi ri mori neer bharan kaisey jau,
Sakhi ri mori neer bharan kaisey jau...

Chetan mann achet hot hai,
Chetan mann achet hot hai,
Jagat se vishram mai chahu re,
Sakhi ri mori neer bharan kaisey jau,
Sakhi ri mori neer bharan kaisey jau...

Sakhi ri mori neer bharan kaisey jau...

Mera bas chale toh

Mera bas chale toh,
Tere rahon mai ke sare kaatein hatta du,
Tere peron taley fulon ki bichayat bichadu,
Tujhe apni aanhon mai sajalu,
Tujhe apni palkhon par bitha lu,
Tujhe apne saason ki khushbu banalu,
Tere ang ang chandan sa mehekta hai haandiye,
Uspar bhi tujhe doodh se nehla du,
Mai tujhe apne haton se saju,
Tujhe saaj aur shringar dharau,
Tujhe jahan se chupa kar apne dil mai basau,
Teri hasi ko mai apna lakshya banau,
Tere hoton ka madhu raas pita chala jau,
Teri bindiya baan tere mathe ko har pal chumta rahu,
Tere galon ki lali ban unka tej badhau,
Teri nagain si balkhati kamar ko dekh mai madhosh ho jau,
Tere katil shikari nazaron ka mai shikar ban jau,
Tere nilam se chamakte aang ko apne ungliyoon par sajau,
Tere naino mai ashruoon ko dekhne se pehle,
Mai sare jahan se lad jau,
Mera bas chaley toh,
Mai ye karu mai woh karu,
Mai karta hi chala jau,
Magar kambhakt mera bas chalta kahan hai...

Bhor hai aai

Bhor hai aai,
Dekho Bhor hai aai,
Mandir se ghante ki taan lekar,
Mazjid se azaan lekar,
Gurudware se gurugranth mahan lekar,
Bhor hai aai,
Dekho Bhor hai aai...

Bhor hai aai,
Dekho Bhor hai aai,
Chidiyoon ki chunchu,
Koyal ki kukoo,
Murge ki bang lekar,
Bhor hai aai,
Dekho Bhor hai aai...

Bhor hai aai,
Dekho Bhor hai aai,
Burai ka daman chod,
Aachai ka daman thamne,
Sacchai ki raah dikhlane,
Bhor hai aai,
Dekho Bhor hai aai...

Bhor hai aai,
Dekho Bhor hai aai,
Mitti ki bhini khushbu,
Aauns ke bundo ka khumar,
Pedhon ka naya nikhar lekar,
Bhor hai aai,
Dekho Bhor hai aai...

Bhor hai aai,
Dekho Bhor hai aai,
Nisha ka daman chod,
Morni ka naach dekhne,
Ravi ki komal kirno ko sang lekar
Bhor hai aai,
Dekho Bhor hai aai...

Bhor hai aai,
Dekho Bhor hai aai,
Har maan mai arzoo jagane,
Andhakar ko chirti hui,
Nischal vatavaran banane,
Bhor hai aai,
Dekho Bhor hai aai...

Bhor hai aai,
Dekho Bhor hai aai,
Fulon ka muskurata chehra,
Jama hai panghat par gopiyoon ka dera,
Sath ye apne nilam sa aasman hai layi,
Bhor hai aai,
Dekho Bhor hai aai...

Bhor hai aai,
Dekho Bhor hai aai,
Neer si nirmal,
Nairashya bhavna ko mitati,
Chetan honey ka ehsaas jagati,
Bhor hai aai,
Dekho Bhor hai aai...

Bhor hai aai,
Dekho Bhor hai aai..........

Kashmakash

Saikado ki bhid mai bhi wo aaj tanha khadi hai,
Duwidha ki ye dekho kaisi ghadi hai,
Wishwa sundari wo rajkumari aaj kashmakash mai padi hai,
Pita ke pyar aur dulaar ka samaan karey,
Ya apni mahobbat ko kurban karey...


Prem karne ki aaj ye dekho kaisi saza mili hai dono ko,
Ek hai domuhi talwar ki dhar par khada,
Toh duja hai do patan ke bich pissa pada,
Dekhne ye saara sansar hai khada,
Ke kya tabahi machayega ye toofan...


Ek hai somras ka pyala,
Toh duja gayion ka gwala,
Bhavishya se aanjan,
Lekar sang apne sunehare spano ki duniya,
Ishq ki raah par chal padey hai do nadan...


Sunheri waadiyon ke bich,
Nilam se chamakte aasman ke taley,
Athkheli karti nadiyoon ke kinare,
Prem ki parakhastha ko chune,
Chup chup kar mila karte the woh...


Ek dujhe ke bina adhure,
Jaisey chand sitare,
Milan pe inke,
Jaisey bajti thi fiza mai murli ki taan,
Magar na thi unpar kismat meherbaan...


Lagi hai aaj nazar,
Kisi ki unke pyaar ko,
Thes hai lagi pita ke ehenkaar ko,
Bajwaya hai dhol,
Marne us gaddar ko...


Shurveer wo raja hai,
Aisi paristhiti mai is samasya ka,
Ek hi hai uske liye samadhan,
Rank se judana,
Nahin uska mukaam...


Premi wo bich darbar mai bandha pada hai,
Apne dil ke karan majbur bada hai,
Hukm ye hua hai,
Chunana paedga,
Do raston mai se apna anjaam...


Ek raste par hai,
Bhuke sher ke roop mai,
Maut ka paigaam,
Toh dujhe par,
Apne sathi ke sang jeevan jeene ka farmaan...


Pahuncha kar apne dildaar ko khabr us rastey ki,
Bacha sakti hai wo uski jaan,
Magar kya aur kaisey karu samajh nahin hai ata usey,
Madad wo apney dildar ki karey,
Ya karey pitah ke prem ka apmaan...


Ummid nahin hai nazar ati koi,
Na nazar ata hai koi rasta,
Aisey mai koi karey bhi toh kya karey,
Jab andhakaar ho samney,
To koi kaisey na girey...


Aayi hai pariksha ki ghadi,
Dono par hai,
Ye kaisi bipda aan padi,
Kya hui khata inse,
Jo inhe hai aisi saza mili...


Chuna hai rasta,
Lekar naam apni deewani ka,
Alaakh thi aisi halat uski,
Ke laash bhi na mili,
Us alhaad parwane ki...


Sunke na raha hai hosh aaj parwani ko,
Pagal hui prem deewani toh,
Ab toh jaisey tham gaya hai waqt,
Samjhane us mastane ki,
Mastani ko...


Piya hai wish ka pyala usne bhi,
Na mil sake jitey ji,
Toh marke hi sahi,
Bujhi hai shama bhi,
Apney patange ko rijhane ko...


Dekh ye manzar aaj,
Aasman bhi roya hai,
Apne beti ke pyaar ko,
Raja ne apne ghamand mai,
Khoya hai...


Kaisi ye vidambana hai,
Kaisa yeh vidhaan hai,
Do nirdoshon ke,
Q is Kadar,
Kuchle gaye armaan...

Jeena kya hai?

Jeena kya hai?
Ghut ghut kar jeevan jeena,
Ya khuli hawa mai saans lena...

Jeena kya hai?
Hare hue ki tarah munh chipa na,
Ya dushman ko galey lagana...

Jeena kya hai?
Mushkilon ke aagey jhuk jana,
Ya unka daat kar samna karna...

Jeena kya hai?
Apni khamiyoon ko ginana,
Ya khubiyoon ko behtar banana...

Jeena kya hai?
Jo khoya hai uska matam manana,
Ya jo haasil kiya hai uski khushi mai jashn manana...

Jeena kya hai?
Talwar ki nokh par masle suljhana,
Ya prem se pahad ko hilana...

Jeena kya hai?
Dhup bankar sabko jalana,
Ya vraksh ki tarah sab ko apni chaanv se sehlana...

Jeena kya hai?
Haar kar baith jana,
Ya unse sabak sikh kar agey badh jana...

Jeena kya hai?
Jashno dawaton mai bedhadak lutana,
Ya Pyase ko pani pilana...

Jeena kya hai?
Dilon ko chot pahuchna,
Ya zhakm par marham lagana...

Jeena kya hai?
Paisey ke liye jhut se haath milana,
Ya sacchai ke liye haste haste suli chad jana...

Jeena kya hai?
Dur udte parinde ko khak mai mila dene ka junoon,
Ya aouns ki boondh ko dekh madhosh ho jane ka khumar...

Jeena kya hai?
Numaish ki katar,
Ya garib ke pait ki aag ko bujhane ka itkhtiyar...

Jeena kya hai?
Apno se duriya badhan,
Ya bichadon ko fir se milana...

Jeena kya hai?
Khud kahin viraniyoon mai bhatak jana,
Ya bhatke huye ko manzil se rubaru karana...

Jeena kya hai?
Nafrat se bina goli ke sabke dilon ko chalni karjana,
Ya pyaar se sabke mann ko chu jana...

Jeena kya hai?
Anjani kisi jaanat ki firaq mai pal pal ko do jag banana,
Ya har pal mai jaanat ke ehasaas ko jagana...

Jeena kya hai?
Nasib ko dosh de bhul jana,
Ya apne sapno ko pura karne ka bidha uthana...

Jeena kya hai?
Shaitan ki tarah raund kar nikal jana,
Ya marti maarti is duniya mai nihatthe sabse ladne ki himmat jutlana...

Jeena kya hai?
Betahasha andhi khai ki aur badhte chaley jana,
Ya na maumkin ko maumkin kar dikhlana...

Jeena kya hai?
Kathinaiyoon se darr wapas laut jana,
Ya chattanon ka sena chir apne liye rasta banana...

Jeena kya hai?
Apne farz se picha chudana,
Ya har kadam pehel kar jana...

Jeena kya hai?
Simat kar andheron ki gaud mai so jana,
Ya khuli waadiyon ke saayein mai apni baahein felana...

Jeena kya hai?
Til til mar kar jeevan bitana,
Ya mehbooba maut ke swagat mai zindagi ki rahoon mai phool bichana...

Jeena kya hai?????????????????????????

Who kehte the likho isliye hum likha karte the

Who kehte the likho,
Isliye hum likha karte the...

Unki tarif kar hum,
Jia karte the...

Unhe khush dekhkar,
Hum jhooma karte the...

Unki hasi se,
Hum khila karte the...

Shayad wo hamari,
Prerna the ya kuch aur...

Iska gumaan toh,
Hamein ab tak na hua...

Magar itna pata hai ke unke bager,
Hum aur hamari kavitaien adhuri hai...

Qki wohi toh the,
Jo hamare jazbaton ko samjha karte the..

Unke janey se mano,
Hamari kavitaein bejaan si ho gayi thi...

Hamari hasti khelti zindagi,
Jaise viraan ho gayi thi...

Hum toh pehle hi,
Mar mar kar jia karte the...

Magar ab toh jaise,
Ek chalti firti zinda lash ban gaye hai...

Aur fir bhi woh puchte hai,
Ke hamari khata kya hai...

Ab kya bataye unhe ke,
Woh hamari Zindagi hua karte the...

Zindagi jhand ho gayi

Zindagi jhand ho gayi,
Hamari galati kya hai...
Hum to koshish kar rahein hai,
Dekhte hai natija kya hota hai...

Sher zaruri nahin ke urdu mai hi likha jaye

Sher zaruri nahin ke urdu mai hi likha jaye,
Hindi mai bhi woh dum hai ke logon ke dilon ko bha jaye...

Gehri hoti raat hai

Gehri hoti raat hai,
Sapno ki shuruat hai...
Bahut khub hai hui ye,
Hamari apse mulakat hai...

Ruthi hai mujhse sajni meri

Ruthi hai mujhse sajni meri,
Shayad kuch khata humse hui hogi,
Pyaar ka dhai akha bol kar mana lunga mai use,
Chahe wo kehti rahe ke use manana aasan nahi...

Pyaar bhari sauhghad ho

Pyaar bhari sauhghad ho,
Khushiyoon ki barsaat ho,
Mubarak ho apko dosti hamari,
Zindagi bhar apki yaadein hamare sath ho...

Hum to tehre char din k mehmaan

Hum to tehre char din k mehmaan....
Aaj yahan to kal wahan....
Tujhse kisi baat ki ummid nahi....
Qki hamara tujhpar hak hai kahan.....

Maa

Maa is shabd ki paribhasha is jagat mai koi bhi jeev nahi de sakta,
Magar sankshep mai vyakt karte hue maa ke vyaktitva ko...

Maa,
Maa jo murat hai mamta ki,
Maa jo sagar hai prem ka,
Maa jo roop hai chama ka,
Maa jo gagar hai daya ki...

Maa,
Maa jo galatiyaan chupane wali,
Maa jo pehla guru hai,
Maa jo aanchal hai chaanv ka,
Maa jo sneh ki barsaat hai...

Maa,
Maa jo lori hai rote bacche ki,
Maa jo goud hai neend ki,
Maa jo manzil hai thakan ki,
Maa jo pehchaan hai muskaan ki,

Maa,
Maa jo annapurna hai,
Maa jo mithe doodh ka pyala hai,
Maa jo aashirwad bhara dahi ka katora hai,
Maa jo fuk se thanda kiya hua nivala hai...

Maa,
Maa jo khaya hua thanda falka hai,
Maa jo bhuke pet guzari hui raat hai,
Maa jo jagte hue bitaya hua lamha hai,
Maa jo tan ko sukha kar dudh pilane wali...

Maa,
Maa jo neend na ane par diya hua thapeda hai,
Maa jo bure sapne se mili raahat hai,
Maa jo prarthana ka swaroop hai,
Maa jo haste baache ki kilkari hai..

Maa,
Maa jo chot lagne par gira hua aansu hai,
Maa jo taklif mai yaad kiya hua shabd hai,
Maa jo prerna dene wali,
Maa jo sabse jhagad kar humko bachane wali...

Maa,
Maa jo ane wali vipdaon ka bhakshak hai,
Maa jo dua ke roop mai rakshak hai,
Maa jo uun se banaya hua vastra hai,
Maa jo chata bankar barish se bachane wali...

Maa,
Maa jo fada hua aanchal ka tukda hai,
Maa jo duur hokar bhi kareeb hai,
Maa jo vida lete waqt rone wali,
Maa jo dard seh ke janm dene wali...

Maa,
Maa tere charnoon mai arpan sab kuch mera hai,
Maa tere bin ye jeevan adhura hai,
Maa,
Maa tere bin ye chetan adhura hai,
Maa,
Maa tere bin ye chetan adhura hai...

Gunja koi tere naam kar diya

Gunja koi tere naam kar diya,
Sakhi ne fir se mera jaam bhar diya...

Hum toh tehre tere dar ke fariyadi,
Teri aadaon ne mera chain hai liya...

Gunja koi tere naam kar diya,
Sakhi ne fir se mera jaam bhar diya...

Aati hai halke se aahat teri jo,
Khilta hai sun ke mera jism aur jiya...

Gunja koi tere naam kar diya,
Sakhi ne fir se mera jaam bhar diya...

Aankho mai har pal tujhko rakhu mai,
Neend mai bhi humne tera deedar hai kiya...

Gunja koi tere naam kar diya,
Sakhi ne fir se mera jaam bhar diya...

Honth hai ke jaise koi chalka pemana,
Bin piye hi mujhko to sanam hai hua nasha...

Gunja koi tere naam kar diya,
Sakhi ne fir se mera jaam bhar diya...

Tum jaisa koi nahin is jahan mein,
Subah ko teri zulfon ne shaam kar diyaaaa...

Gunja koi tere naam kar diya,
Sakhi ne fir se mera jaam bhar diya...

Hosh bekhabar se hue un ke bager,
Hum jo unse keh na sake dil ne keh diya...

Gunja koi tere naam kar diya,
Sakhi ne fir se mera jaam bhar diya...

Bheja hai Khudane mujhe chahne tujhe,
Chahat mai teri sanam har pal hu mai luta...

Gunja koi tere naam kar diya,
Sakhi ne fir se mera jaam bhar diya...

Hai nahi karna mujhe koi gila,
Kismat ne jo mujhse tujhe dur hai kiya...

Gunja koi tere naam kar diya,
Sakhi ne fir se mera jaam bhar diya...

Bhulana tujhko hai sanam mushkil bada,
Pemana bhi kambhakt mujhe dikhlata chehra ye tera...

Gunja koi tere naam kar diya,
Sakhi ne fir se mera jaam bhar diya...

Gum jaise dost koi sath rehta hai,
Lagta hai darr ab mujhe sunke khushiyon ki sada...

Gunja koi tere naam kar diya,
Sakhi ne fir se mera jaam bhar diya...

Nazrana dard ka jo humko hai mila,
Itna hi kasoor mera ke ishq hai kiya...

Gunja koi tere naam kar diya,
Sakhi ne fir se mera jaam bhar diya...

Gunja koiiiiiiiiiiiiiiiiiiiiiiiiiiiiiiiiii...

Kya hui Khata mujhse

Kya hui Khata mujhse,
Jo mili mujhe aisi saza,
Tadapta hu jaise jal bin machli,
Karta hu harpal marne ki dua...

Rota hu baith kar aksar tanhaiyoon mai,
Kaisi ye majburi hai,
Jiske chalte nahi hu kar pata,
Mai apne jazbatoon ko khule aam zahir...

Gumon ke saayein mai jita hu,
Zamane ke samne jhuti hasi hasta hu,
Nahi koi mere aansu bhi pochne wala,
Isliye khud hi apne aansu bhi piya karta hu...

Maut se bhi badtar ho chali hai zindagi,
Ji raha hu ek zinda lash ki tarah,
Behtar hai do jag ki aag aise jeene se to,
Harpal ghut ghut ke marne se to...

Bhara hua lava hai bahut mere sine mai,
Bahut hai mila mujhe zamane se,
Rok kar rakha hai ise abtak to maine,
Magar darta hu us din se jab ye bahar umad ayega...

Diya hai dhoka mujhe zindagi ne har kadam par,
Ab to khushiyoon ki aahat se bhi ghabrata hu,
Kahin unhe bhi nazar na lag jaye,
Mere badnasibiyoon ke saayein ki...

Jhoota hai wo jisne kahan hai ke,
Khushi aur gum sath sath chalte hai,
Qki ek muddat si ho chali hai ab to,
Mujhe khushiyoon ka deedar kiye...

Oji Mai Kiya Banna Ne Choki Lage Banadi Re (Marwadi)

Oji Mai Kiya Banna Ne Choki Lage Banadi Re,
Sara Nagar Maa Lagya Dhol Bajan Re...

Banna Ke Kadma Ki Sun Thaap Lagyo Hai,
Jiyado Banadi Ro Dekho Aaj Nachan Re...

Banadi Raa Maan Maa Hai Hulchul Nyari Re,
Banna Ko Dil Bhi Hove Hai Dekho Bekaboo Re...

Banni Ke Chehre Ko Noor Itno Tej Hai Ke,
Chand Ki Chandni Bhi Fiki Lage Hai...

Dulhe ko dulhan pasand hai

Dulhe ko dulhan pasand hai,
Is baat ka dhol sare jahan mai bajne laga hai...

Dulhe ke kadmon ki aahat sun ke,
Dulhan ka jiya nachne laga hai...

In dino dulhan ke maan mai ek aajib si hulchul hai,
Aur dulhe ka dil bhi reh reh kar bekaboo hota rehta hai...

Dulhan ke chehre ke noor ko dekh,
Chand ki chandni bhi sharma jati hai...

Dulhan ke haton ki mehendi itni gehri rach kar ayi hai,
Ke uske aage aamavas ki raat bhi fiki lagti hai...

Dulhan ke mathe ki bindiya is kadar tim timati nazar ati hai ke,
Mano hazaron tarein usme aakar bas gaye ho...

Dulhan ke chudiyon ki khan khan sun,
Dulha bechara apni raaton ki neend aur din ka chain sab kho betha hai...

Dulhe ke dil aur dimag par,
Har Pal bas dulhan ka chehra hi chaya rehta hai...

Aise alaam mai koi kare bhi toh kya karey,
Yeh mausam hi toh hai do dilon ke milane ka...

Badhe Chal

Badhe Chal,
Ruk Mat,
Lakshya Sadh,
Mudh Ke Na Dekh,
Bas Chale Chal,
Tu Badhe Chal...

Badhe Chal,
Darr Ko Maar,
Jitane Ki Zidd Kar,
Haar Ki Mat Soch,
Zindagi Abhi Hai Baki,
Isliye Tu Badhe Chal...

Badhe Chal,
Raah Mai Kaante Zarur Honge,
Mushkile Bhi Hongi,
Magar Tu Na Ghabra,
Ho Nidaar,
Tu Badhe Chal...

Badhe Chal,
Khud Apna Rasta Bana,
Vipdaon Ko Durr Bhaga,
Fir Bhi Jo Lage Akele Chalna Mushkil,
To Sathi Dhund,
Magar Tu Badhe Chal...

Badhe Chal,
Andhere Ko Durr Bhaga,
Aasha Ki Maashal Jala,
Qki Hari Hui Zindagi,
Se To Maut He Behtar,
Isliye Tu Badhe Chal...

Badhe chal,
Qki Yahi Hai Jeevan Ko Jeene Ka Tarika,
Isliye Manzil Par Nazar Tika,
Kathinaiyoon Ka Samna Kar,
Path Se Na Ho Avichal,
Tu Badhe Chal...

Badhe Chal,
Kabhi Na Chod Ummid Ka Daman,
Tabhi Ayega Asli Maza,
Tabhi Jaanegi Duniya,
Tab Khud Ba Khud Hogi Har Mushlil Aasan,
Soch Mat Bas Badhe Chal...

Badhe Chal,
Chale Chal,
Tu Chale Chal,
Badhe Chal,
Tu Badhe Chal...

Aaj fir ek khata hui hai mujhse

Aaj fir ek khata hui hai mujhse,
Aaj fir kisi ko rulaya hai maine,
Aaj fir kisi ka dil dukhaya hai maine,
Kisi apne ka,
Haan kisi apne ka dil dukhaya hai maine...

Jane kya aanjam hoga iska,
Kya maaf karega mujhe mera khuda,
Kya maaf kar payega wo apna mujhe,
Janata nahin kya hai jawab in sawalon ka main,
Bus itna hai pata ke us ruthe ko manana hai...

Gar maafi mil bhi gayi mujhko,
Kya maaf kar paunga mai khud ko is gunah ke liye,
Iska bhi nahin hai mujhko koi guman,
A mere khuda rehem kar is bande par,
Madad kar meri us apne ko samjhane mai...

Khadedta hai mera dil mujhe aise gunah ke liye,
Kachotati hai meri aatma mujhe is harkat ke liye,
Nafrat karta hai mera zarra zarra mujhese,
Koi toh mujhe dikhlao rasta,
Kya mai karu fir usey apnane ko...

Humse hui hai khata humey kabul hai,
Saza jo mukarrar hai iski,
Wo humey manzur hai,
Bus ek baar wo apna mujhe apni saza se rubaru karade,
Fir chahe wo dilruba maut se q na milwa de...

Aaj fir ek khata hui hai mujhse,
Aaj fir kisi ko rulaya hai maine,
Aaj fir kisi ka dil dukhaya hai maine,
Kisi apne ka,
Haan kisi apne ka dil dukhaya hai maine...