Meri Adhuri Zindagani

Meri Adhuri Zindagani... ......... ........

Adhuri sassein hai,
Adhuri hai zindagani...
Talash hai us hamsafar ki,
Jo puri kare meri kahani...
Mil jaye wo mujhe to ji lunga phir ek baar,
Jhum uthega rom rom,
Phir ek baar aa jayegi jeevan mai bahar,
Zarra zarra cahek uthega,
Saara alam mehek uthega,
Ab to intezar hai bas us pagali ka,
Na jane kab milegi wo,
Yahi dua hai meri ab to us rab se,
Milwa de mujhe mere hamsafar se,
Raha nahi jata ab to uske bina,
Saha nahi jata ab to uske bina,
Pane ki khawish usko kar rahi hai mujhe diwani,
Talash hai us hamsafar ki,
Jo puri kare meri kahani...

Har pal intezar hai ab to bas uska,
Lagne laga hai bekar sa sab kuch ab uske bina,
Kab hoga wo madhur milan,
Kab gunjegi kano mai uske bolon ki sargam,
Rehnuma mere jeevan kab aayega mere saamne,
Kab lutane milega mujhe uspar apna tan maan aur dhan,
Ab jaise ye tanhai ban gayi hai meri sathi,
Pagal na ho jau kahi use pane ki chahat mai,
Pane ka use dilo dimag par ek junoon sa sawar hai,
Kaise kaise ye jeevan jiye jaa raha hu,
Apne hi aansu piye ja raha hu,
Dhund kar ab to use apni kismat hai ajmani,
Talash hai us hamsafar ki,
Jo puri kare meri kahani...

Mazdhar mai phasi meri jeevan nav,
Dur tak nahi hai koi kinara,
Aakar tu dede mujhe sahara,
Charon taraf chaya hai bas andhiyara hi andhiyara,
Daar lagta hai ab to mujhe,
Kahin akela hi na reh jau,
Aakar sambhal le mujhe,
Sine se apne lagale,
Bahon mai apni fasale,
Dil mai apne chupale mujhko,
Kahi aisa na ho kho jaye meri hasti,
Paar laga de tu meri kashti,
Ab to aaja yu na tadpa mujhe o pagli deewani,
Talash hai us hamsafar ki,
Jo puri kare meri kahani...

Ab to chand bhi falak chod raha hai,
Fiki padti suraj ki chamak,
Dikhai pad rahi hai kam hoti taaron ki damak,
Lamha lamha jeevan ka guzar raha hai,
Khoya rehta hu bas usi ke khayalon mai,
Na jane kab aayegi wo, kab hoga uska deedar,
Bith rahi hai meri javani,
Talash hai us hamsafar ki, jo puri kare meri kahani...

Ji rahe hai ye adhuri zindagi na jane kabse,
Thak si gayi hai ye aakhein meri,
Uski raah takhte takhte,
Na jane kab milegi wo mujhe,
Ab to aas bhi khatm ho rahi hai,
Bikharti jaa rahi hai jeevan ki ladiyan,
Khatm ho rahi hai mere saason ki rawani,
Talash hai us hamsafar ki,
Jo puri kare meri kahani...

Ye meri adhuri zindagani................