Suhag Raat

Shital chandi ke bartan,
Mai rakha hua shahad wala dudh,
Aasman mai poonam ka chand hai,
Sitare gawah hone wale hai,
Ek madhur milan ke,
Kamre mai ek masti si chai hai,
Saej hai fulon wali,
Rut hai Pyar bhari,
Ye kaisi raat hai,
Ye kaunsi raat hai...

Suhaag raat hai ye,
Ghunghat odhe baithi hai,
Saej par sajaniyaan,
Apne balam ka intezaar karti hui,
Aaj na jane q uske dil ki dhadkane tez hai,
Kap kapi si hai sare badan mai,
Maan mai ek sehma hua sa daar hai,
Magar dil mai lankho umange aur tarange bhi hai,
Kabhi mand mand muskati,
To kabhi babul ko yaad kar roti,
Yeh kaisi kash-makash hai,
Nahin janti hai wo...

Ek aahat si hui hai darwaze k pass,
Dil mai uske,
Jaise khwahishoon ka,
Sailaab umad pada ho,
Ab to uske dhairya ka bandh,
Bhi tutane par aa gaya,
Uski saasein tez ho rahi hai,
Ab na jane kya hoga,
Uske kaan,
Unki awaz ko sunane ke,
Liye bechain hai,
Uski aakhein unke,
Deedar ko taras uthi hai,
Uske honth,
Tharthara uthe hai...

Haa ye aahat,
Uske piyaji ke kadmoon ki hi hai,
Ate hai nazdik uske piyaji uske,
Ghoongat ye uthaya hai unhone uska,
Chand sa chamakta chehra dekh kar,
Piyaji ka maan bhi nachne laga hai,
Sitaron si chamakti hui bindiya,
Ek pal ke liye piyaji ka hosh le udati hai,
Uske chehre ke noor se,
Aankhe chaundhiya gayi hai piyaji ki,
Lab kuch bolna cahte hai piyaji ke,
Magar shabd nahin hai milte unhe...

Hathon mai ek chitti hai piyaji ke,
Sajaniyaan bechain hai,
Piyaji ka dil aaj ro raha hai,
Chitti ye pakda di hai sajaniyaan ko,
Padhte hi chitti sajaniyaan,
K upar maano pahad sa toot pada ho,
Uske armaano par,
Jaise bijli si gir padi ho,
Haa ye sarhad se piyaji ke liye,
Bulava aya hai,
Jaana hoga unhe isi waqt,
Apni maa ki hifazat k liye,
Chod sajaniyaan ko is tarah...

Sajani ke dil ki halat dekh,
Piyaji Ke maan ka gubar,
Bahar umad aya,
Aankhe ro padi piyajiki,
Motiyoon se aanso,
Chalak padhe aankho ke bahar,
Sajani ne apne palle ko utha kar,
Ponch di apne sarkar ki aankhe,
Aur pi liye apne ontho se wo moti,
Unke gaaloon par se,
Aankho hi aankho mai,
Keh diya hai alwida piyaji ko,
Chod ke chal diye hai,
Piyaji sajni ko unhi,
Munh se uff na boli wo,
Raaz dil ke kisi pe na kholi wo...

Aayi hai khidki par,
Jate huye piyaji ko dekhne,
Alwida unko kehna hai,
Magar lab hai ki sath,
Nahi hai dete uske,
Aakhon se aankhe milti hai,
Dil se dil ke taar judate hai,
Aur labon se kuch na keh kar bhi,
Ek dusare se,
Hazaron battein keh jati hai,
Dono akkhiyaan...


Door Ja rahi hai,
Baggi lekar piyaji ko,
Taak rahi hai ye aankhiyaan,
Dur tak piya ko,
Na jane fir kab hoga ye milan,
Yahi dua hai karta sajaniyaan ka dil,
K salamat rakhna mere sartaaj ko,
Aur kabhi na dikhlana,
Kisi dulhaniyaan ko fir ye din...

Dekh ye manzaar aaj,
Asmaan bhi ro pada hai,
Chand bhi sharmaan ke,
Badloon ke bich chup gaya hai,
Sitare bhi kho gaye hai kahin par,
Pavan bhi mano ruk si gayi ho,
Pedho ki shakein bhi zhuk si gayi hai,
Ful bhi sare simat gaye hai,
Sab mil keh rahein hai khuda se,
K salamat rakhna iske piyaji ko,
Jaldi karva dena inka milan,
Aur kabhi na dikhlana,
Kisi dulhaniyaan ko fir ye din,
Soch kar sab ye pareshaan hai,
K Kaise reh payegi ab,
Sajaniyaan apne saajan ke bin...